Mirë se vini në klubin e ciklizmit malorë Mountain Biking 06 ! I formuar si grup në vitin 2018 kurse si OJQ në 2022, ne jemi një komunitet entuziast që ndajmë dashurinë dhe pasionin për natyrën, aventurat dhe adrenalinën e ciklizmit në terrene të ashpra dhe malore. Klubi ynë është i përkushtuar për të promovuar sportin fantastik të ciklizmit malorë dhe për ti shërbyer komunitetit duke ofruar mundësi për të shijuar këtë sport në shoqërinë e ciklistëve të talentuar.

Nga fillestarët tek profesionistët e këtij sporti ne synojmë të përbëhemi nga të gjitha nivelet e ciklistëve. Prej qëllimeve tona është të bëjmë ciklizmin malorë të mundshëm për të gjithë, duke organizuar ngasje në grupe dhe duke zbuluar dhe ndërtuar shtigje të reja të ciklizmit.

Klubi ynë është në bashkpunim dhe i përkrahur edhe nga instuticionet vendore dhe komunale, përmes të cilave ka në plan edhe realizimin e disa projekteve për promovimin e këtij sporti. Ndër projektet që ne jemi të fokusuar janë: Organizimi i garave dhe eventeve të ndryshme, ndërtimi i pumptrack-ut në qytetin tonë si dhe gjuetia e shtigjeve(trail-hunting) - zbulimi dhe ndërtimi i shtigjeve të ndryshme malore.